``Roedd hi'n bwysig i mi gael yr opsiwn o gwnsela dros y ffôn oherwydd lle rwy'n byw.``

Oedolion:

Ydy, mae Canolfan Cymorth Trais Canolbarth Cymru yn cynnig yr un gwasanaethau i oedolion sydd wedi cael eu heffeithio gan drais rhywiol, sy’n cynnwys cwnsela, cymorth ac eiriolaeth. Mae ein gwasanaethau yn agored i bawb, o bob oed, rhywedd, cefndir cymdeithasol, cefndir ethnig, crefydd a chred, anabledd a chyfeiriadedd rhywiol.

Dysgwch fwy am y gwasanaethau hyn, a sut i gael mynediad atynt, isod:

Cwnsela a Lles

SARCs ac ISVAs

Mynnwch help neu cyfeiriwch rywun atom

 

 

Plant a phobl ifanc o dan 18:

Mae Canolfan Cymorth Trais Canolbarth Cymru’n cynnig gwasanaethau cwnsela, cymorth ac eiriolaeth i blant a phobl ifanc o 3 oed ymlaen. Mae ein gwasanaeth cwnsela plant a phobl ifanc ar agor i unrhyw blentyn neu berson ifanc o dan 18 oed sydd wedi profi trais rhywiol. I ddysgu rhagor am ein gwasanaethau i blant a phobl ifanc, gweler yma.

Mae gennym Ganolfan Atgyfeirio Ymosodiadau Rhywiol (SARC) yn Bow Street, Aberystwyth, a swyddfa yng nghanol tref Aberystwyth (Y Stryd Fawr). Gweler y cyfeiriadau i’n safleoedd yma. (Sylwch y dylai’r holl bost ar gyfer SARC Aberystwyth gael ei gyfeirio at swyddfa’r Stryd Fawr, nid cyfeiriad Bow Street).

Mae ein gwasanaethau cymorth yn cael eu darparu ar-lein neu dros y ffôn hefyd, felly gallwch gael cymorth, cwnsela ac eiriolaeth heb orfod ymweld ag un o’n swyddfeydd.

Gan fod Canolfan Cymorth Trais Canolbarth Cymru’n is-gwmni i Llwybrau Newydd, mae ein holl wasanaethau yn gysylltiedig felly gallwch gysylltu ag unrhyw un o’n swyddfeydd, anfon e-bost atom neu gysylltu â ni trwy’r wefan hon neu ein cyfryngau cymdeithasol. Gallwn eich cynorthwyo chi dim ots sut byddwch chi’n cysylltu â ni.

I gael gwybodaeth am sut i atgyfeirio’ch hun, neu rywun arall, i’n gwasanaethau, gweler yma.