``Fe wnaethoch chi helpu fy mhlentyn i wenu eto.``

Rydym yn cynnig cwnsela i blant a phobl ifanc 3 i 18 oed, sydd wedi profi trais rhywiol, yn ddiweddar neu yn y gorffennol.

Rydym wedi gweithio yn y sector trais rhywiol ers 30 mlynedd ac mae gennym brofiad sylweddol o weithio ym maes trawma rhywiol. Mae gan bob un o’n cwnselwyr plant a phobl ifanc gymwysterau penodol ar gyfer gweithio gyda’r grŵp oedran hwn. Mae ein holl gwnselwyr yn gymwysedig ac yn gofrestredig, mae ganddynt brofiad o weithio gyda thrawma ac maent wedi cael hyfforddiant ychwanegol ar weithio gyda thrais rhywiol. I helpu plant a phobl ifanc i ymgysylltu, rydym ni’n defnyddio amrywiaeth o therapïau, gan gynnwys celf, cerddoriaeth a chwarae.

Mae sesiynau cwnsela fel arfer yn wythnosol, ar yr un pryd, am awr bob wythnos. Gallwn gynnig apwyntiadau ar amrywiaeth o adegau, gan gynnwys gyda’r nos ac ar benwythnosau. Rydym yn cynnig cwnsela wyneb yn wyneb, dros y ffôn neu drwy alwad fideo (skype, zoom, MS Teams, WhatsApp ac ati). Mae cwnsela wyneb yn wyneb ar gael yn ein lleoliadau ar draws De, Gorllewin a Chanolbarth Cymru.

Bydd ein cwnselwyr yn gweithio’n agos gydag aelodau teulu a gofalwyr, lle bo hynny’n briodol, i gefnogi taith gwnsela’r plentyn neu’r person ifanc.

Mae ein Gwasanaeth Lles yn cynnig cymorth 1 i 1 gyda gweithiwr cymorth trais rhywiol hyfforddedig. Gallai’r cymorth hwn fod yn ddewis arall yn lle cwnsela, neu gallai helpu gyda sefydlogi cyn cwnsela.

Mae ein gweithwyr cymorth trais rhywiol ifanc yn cynnig cefnogaeth i blant a phobl ifanc sy’n cael eu heffeithio gan drais rhywiol. Mae hyn yn cynnwys gweithio trwy strategaethau ymdopi cadarnhaol ac ymarferion sylfaenu ar gyfer trawma; gosod nodau a gweithio tuag at adferiad; a pharatoi ar gyfer cwnsela.

Mae’n wasanaeth peidio â datgelu sy’n cynnig:

• gwasanaeth cyn-cwnsela byr sy’n paratoi ac yn helpu cleientiaid i gael y gorau o’u cwnsela
• pecyn cymorth hirach, manwl sy’n ddewis amgen i gwnsela ac a all helpu cleientiaid i ddelio ag amrywiaeth eang o faterion y gallent fod yn eu profi.

Maent hefyd yn cynnig cymorth ymarferol, megis cysylltu â phobl ar eich rhan, er enghraifft gweithwyr iechyd proffesiynol.

Hefyd, rydym yn cynnig grwpiau seico-addysgol i bobl ifanc, o’r enw Newid y Môr. Gweler mwy isod.

Ar adegau amrywiol yn ystod y flwyddyn, rydym yn cynnal grwpiau ar-lein neu wyneb yn wyneb i blant hŷn a phobl ifanc.

Mae’r grwpiau hyn yn ‘seico-addysgol’, sy’n golygu eu bod yn darparu gwybodaeth am effaith trawma ar yr ymennydd a’r profiadau sy’n gallu arwain o gael eich effeithio gan drais rhywiol, ac maen nhw’n cynnig trafodaethau am y rhain. Mae’r cwrs yn cwmpasu amrywiaeth o bynciau, o strategaethau cysgu a rheoli gorbryder i baratoi ar gyfer cwnsela. Mae’r grwpiau hyn yn cael eu hwyluso gan ein gweithwyr cymorth a’n cwnselwyr hyfforddedig ac rydym yn sicrhau bod y gofod bob amser yn ddiogel i bob person ifanc sy’n mynychu.

Yn ogystal â darparu addysg a strategaethau ymdopi, mae’r grwpiau hyn hefyd yn rhoi gofod i bobl ifanc rannu’r effaith mae trais rhywiol wedi’i chael arnyn nhw gyda phobl eraill o’r un oedran sydd wedi cael profiadau tebyg. Ni wneir datgeliadau yn y grwpiau hyn, felly ni fydd unrhyw un yn trafod eu profiad o drais rhywiol, ond mae gofod i rannu a chysylltu â phobl eraill. Yn aml, gall trais rhywiol wneud i bobl deimlo’n unig yn eu profiad ond gall y grwpiau hyn roi lle i deimlo’n gysylltiedig ag eraill. Bydd rhai o’r grwpiau’n grwpiau rhywedd unigol a bydd rhai yn grwpiau rhywedd cymysg.

Gallwch fynd at rai o’r adnoddau o’r grwpiau hyn ar ein tudalen adnoddau yma.

Os ydych chi ar ein rhestr aros, neu’n defnyddio ein gwasanaethau lles neu gwnsela, gallwch fynegi eich diddordeb mewn mynychu un o’n grwpiau. I atgyfeirio i’n gwasanaethau, gweler ein tudalen atgyfeirio yma.

SARCs:

Os yw plentyn neu berson ifanc wedi profi trais rhywiol (gweler yma am ddiffiniadau o drais rhywiol) o fewn y 10 diwrnod diwethaf, gall droi at ein cyfleusterau SARC.

Rhaid bod oedolyn goruchwyliol yn dod gyda phlentyn neu, os yw’r person ifanc o dan 16 oed a bod Cymhwysedd Gillick wedi’i nodi (gweler yma am ragor o wybodaeth), gall ddefnyddio ein gwasanaethau heb oedolyn goruchwyliol, ond gyda gweithiwr argyfwng yn bresennol.

I gael gwybod mwy am ein gwasanaethau SARC, gweler yma.

ISVAs:

Mae gennym dîm o ISVAs sy’n gweithio gyda phlant a phobl ifanc, a’r aelodau teulu a gweithwyr proffesiynol eraill sydd o’u cwmpas, os ydynt yn gysylltiedig â digwyddiad sydd wedi cael ei adrodd i’r heddlu, neu os ydyn nhw’n meddwl rhoi gwybod i’r heddlu. Gweld mwy am ein cefnogaeth ISVA yma.

Weithiau, gallai person ifanc fod yn poeni am ymddygiad rhywiol amhriodol, problemus neu niweidiol, neu’n arddangos ymddygiad rhywiol amhriodol. Neu, efallai bod rhywun arall yn poeni am ymddygiad rhywiol y person ifanc.

Yn aml, gyda rhywfaint o gefnogaeth, gall yr ymddygiad hwn fod yn llawer haws ei ddeall a’i newid. Gall Prosiect Cwmpawd newydd New Pathways weithio gyda phobl ifanc a’u rhieni/gofalwyr i ddatblygu strategaethau a thechnegau defnyddiol i atal yr ymddygiad hwn rhag gwaethygu ac i fyw bywydau diogel ac iach.

Beth rydyn ni’n ei wneud

Byddwn ni’n siarad â chi am sut rydym ni’n casglu gwybodaeth ac yn cynnal asesiadau. Os ydych chi’n cytuno ac yn dymuno cymryd rhan yn y gwasanaeth, byddwn yn gweithio gyda chi i ddatblygu dealltwriaeth gyffredin o’r ymddygiad a’r ffordd orau o fynd i’r afael â hyn.

Pwy sy’n gallu defnyddio’r gwasanaeth?

Rydym ni’n edrych ar ffyrdd o sicrhau bod y gwasanaeth hwn ar gael i gynifer o blant a phobl ifanc â phosibl. Tan hynny, mae’r gwasanaeth hwn ond ar gael i blant a phobl ifanc (hyd at ac yn cynnwys 17 mlwydd oed) sy’n derbyn gwasanaeth therapiwtig yn New Pathways am eu profiadau eu hunain o oroesi cam-drin neu drais rhywiol.

Sut i fanteisio ar y gwasanaeth?

Mae dwy ffordd o fanteisio ar y gwasanaeth hwn:

• Fel rhan o’r atgyfeiriad plant a phobl ifanc i wasanaethau lles neu gwnsela, gallwch chi neu’ch atgyfeiriwr gynnwys manylion unrhyw ymddygiad rhywiol amhriodol, problemus neu niweidiol yr hoffech chi eu disgrifio.
• Os ydych chi eisoes yn derbyn cymorth therapiwtig gyda New Pathways, gallech chi, neu riant/gofalwr ofyn am siarad â’ch therapydd neu aelod o New Pathways. Byddant yn gallu eich rhoi mewn cysylltiad â’r person mwyaf priodol i siarad ag ef.

Ein dyletswydd i gadw plant a phobl ifanc yn ddiogel

Yn yr un modd â’r holl gyfrifoldebau diogelu, mae gennym ni gyfrifoldeb i hysbysu’r gwasanaethau cymdeithasol a/neu’r heddlu os ydym ni’n pryderu bod rhywun mewn perygl o niwed.

Gwasanaethau SARC neu ISVA Plant a Phobl Ifanc

Ffoniwch ni ar 01685 379 310 i gael mynediad i’r gwasanaethau hyn.

 

Gwasanaethau Cymorth Llesiant a Chwnsela Plant a Phobl Ifanc

You can refer a child or young person using our referral form, found here. You can also call us on 01685 379 310 and we can take a referral over the phone, or we can offer support and advice if you are not sure which service you need.

Os ydych o dan 18 oed ac rydych am atgyfeirio’ch hun, ffoniwch ni ar 01685 379 310 a gall un o’n tîm plant a phobl ifanc siarad â chi.

Mae ein llinellau ffôn ar agor yn ystod oriau gwaith arferol (9am-5pm o ddydd Llun i ddydd Iau, a 9am-4.30pm ar ddydd Gwener), ac rydym yn monitro ein cyfeiriadau ar-lein ac e-bost yn rheolaidd.

 

Gwasanaethau Ymddygiad Rhywiol Plant a Phobl Ifanc

Nid yw’r gwasanaethau hyn yn agored i atgyfeiriad uniongyrchol ar hyn o bryd. Gweler yr adran ar Wasanaethau Ymddygiad Rhywiol Plant a Phobl Ifanc (yn yr adran uchod) am fwy o fanylion.

 

Ein dyletswydd i gadw plant a phobl ifanc yn ddiogel

Os yw plentyn yn dioddef, wedi dioddef neu’n debygol o fod mewn perygl o niwed, ein cyfrifoldeb ni yw sicrhau bod ein pryderon yn cael eu hatgyfeirio at y gwasanaethau cymdeithasol neu’r heddlu. Lle bynnag y bo’n bosibl, byddem yn trafod hyn gyda chi ac yn gwrando ar unrhyw bryderon sydd gennych chi, a byddwn ni’n eu cymryd o ddifrif.